Делегей чергелиг заповедниктер хүнү
| Делегей чергелиг заповедниктер хүнү | |
|---|---|
| Файл:Национальный парк Абиску.png | |
| Байырлап турар чери | чылдың-на |
| Ай-хүнү | Майның 24 |
| харылзаалыг байырлал | 1909 чылда Швецияга национал парктарның тургустунганы-биле харылзаалыг |
Делегей чергелиг заповедниктер хүнү — Делегей чергелиг бойдус камгалалының эвилелиниң эгелекчи саналы-биле чылдың-на май 24-те бүгү делегейде демдеглеп турар байырлал. Заповедниктерни камгалап база кадагалап турарларның профессионал байырлалдарының бирээзи.
Төөгүзү
1909 чылдың май 24-те Швецияга национал паркты тургускан. Ол Европага национал парктар болгаш резерваттар системазы тыптып келген бир дугаар чурт болган.
Бүгү делегейниң заповедниктер хүнүн 2000 чылдан бээр Делегейниң бойдус камгалалының эвилелиниң (МСОП) эгелекчи саналы-биле чылдың-на демдеглеп турар. Кол сорулгазы — бойдустуң болгаш дириг амытаннарның делегейин кадагалаары[1][2].
Россияда чылдың-на январьның 11-де аңгы Заповедниктер болгаш национал парктар хүнү бар. Чуртка бир дугаар тывылган Баргузин заповеднигиниң үндезилеттингенинге ону тураскаадып тургускан.
Байырлалдың чаңчылдары
Ол хүн парктар болгаш заповедниктер девискээринге темалыг делгелгелерни ажыдып, экскурсияларны, бойдус камгалалының талазы-биле лекцияларны, фестивальдарны болгаш өске-даа хемчеглерни эрттирип турар.
Заповедниктер
Заповедниктер — флора болгаш фаунаны, ол ышкаш шуралгактарны, эрте-бурунгу куйларны болгаш хаяларны камгалаар сорулга-биле кижилерниң кандыг-даа ажыл-чорудулгазын хораан девискээрниң азы акваторияның кезээ[3].
Делегейде бир дугаар камгалалдыг чер Шри-Ланкага б.э. чедир III чүс чылда үндезилеттинген. Ынчан Деванампиятисса хаан бодунуң албатыларын тускай хоойлу-биле ортулуктуң чамдык кезектеринче кирерин хоруп, оларны бодунга болгаш салгалдарынга арттырып аар сорулгалыг турган[4].
Делегейниң бойдус камгалалының эвилелиниң медээзи-биле, 2024 чылда делегейде 6555 национал парктар болгаш 630 ажыг бойдус биосферлиг заповедниктер бар, олар 119 чурттарда бар[5].
Делегейде эң улуг заповедник Африкада турар. Ону ЮАР-да Крюгер национал парк, Мозамбикада Лимпопо национал парк база Зимбабвада Гонарежу национал парк ол үштү каттыштырып тургускан национал парк болуп турар, ооң ниити шөлү — 35 муң кв. километр[6]. Эң бичии камгалалдыг черлерниң бирээзи, Галичья Гора, Россияда турар. Ооң шөлү чүгле 2,3 квадрат км[7].
Галерея
-
Серенгети. Танзанияның соңгу талазында национал парк
-
Баргузин заповедниги. Россия (Бурятия)
-
Шри-Ланканың национал парыгы
-
Вилпатту. Шри-Ланка. Делегейде эң-не бурунгу заповедник
-
Лимпопо деп транснационалдыг парк. Делегейде эң улуг
Демдеглелдер
- ↑ 24 мая отмечается Международный день заповедников. gorodirkutsk.ru. Город Иркутск.РУ (22 Беш айның 2019). Хынаан ай-хүнү: 25 Дөрт айның 2025.
- ↑ Заповедный мир "Ненецкий" (2023-05-24). Хынаан 25 Дөрт айның 2025.
- ↑ Что такое заповедник, и чем он отличается от заказника: примеры. Хынаан 25 Дөрт айның 2025.
- ↑ Национальные парки Шри-Ланки. travellanka.ru. Хынаан ай-хүнү: 25 Дөрт айның 2025.
- ↑ Тамара Казарина. Заповедные места. Хынаан 25 Дөрт айның 2025.
- ↑ В Африке создан крупнейший национальный парк (2002-12-11). Хынаан 25 Дөрт айның 2025.
- ↑ Международный день заповедников (2019-05-24). Хынаан 25 Дөрт айның 2025.
Бо чүүлче РУВИКИ-ниң өске чүүлдеринден шөлүлгелер чок. |
.svg){kind=link}